Description
NIPA Krishi Prasankaran Main Udimita Vikas by Suresh Chandra Durgesh Kumari Sunil Kumar Goyal Ratnesh Kumar & Shamsher
Krshi hamaare desh mein jeevan ka aadhaar hai tatha praayah ise maatr aajeevika ke roop mein hee dekha jaata hai. Jabaki yah poshan ka bhee khajaana hai tatha paaristhitikee suraksha mein mahatvapoorn yogadaan deta hai. Is par desh ka aarthik va saamaajik dhaancha tika hua hai. Desh kee vividh jalavaayu evan bhaugolik paristhitiyon ke kaaran hamaare yahaan varsh bhar vividh prakaar kee phasalen ugaayee jaatee hai. Jisake kaaran yah vishv ka sarvashreshth desh maana gaya hai. Bhaarat mein krshi ke saath pashupaalan, baagavaanee, murgeepaalan, matsy paalan, vaanikee, resham keet paalan va batakh paalan aadi na keval krshakon kee aay badhaane mein mahatvapoorn bhoomika in me vaalee chunautiyaan ko kam karate hain. Vartamaan mein bhaarat mein kul krshi utpaadan ke 40 pratishat ka prasanskaran kiya jaata hai aur tudaee uparaant utpaadan ke 10 pratishat ka moolyavarddhan kiya jaata hai. Atah nishchit hee bhaarat mein krshi prasanskaran va moolyavarddhan ke kshetr mein udyamita vikaas kee apaar kshamataaye va sambhaavanaaye hain. Jisake liye graameen kshetron mein phasal utpaadan kshetron ke nikat hee krishi prasanskaran kendron kee sthaapana vartamaan samay kee pratham aavashyakata hai.Krshi prasanskaran kendron kee sthaapana se krshakon kee aay tatha aajeevika mein sthaee roop se sudhaar laaya ja sakata hai. Krshi prasanskaran kendraan kee sthaapana sthaaneey graameenon kee aay mein vrdvi va svarojagaar srjan hetu aavashyak hai. Krshi prasanskaran kendr ek aisa pratishthaan hota hai jahaan anaaj, dalahan, tilahan, masaale, phal aur sabjiyo kee saphaee, chhantaee, shreneekaran, prasanskaran, bhandaaran, sukhaane, prasheetan ke liye aavashyak suvidhaayen upalabdh hotee hain aur sansaadhit aur paikd utpaad taiyaar kiye jaate hain tatha vishisht braand naam ke saath unaka vipanan kiya jaata hai.